La letramofla es l'ensems dels tèxtes produchs o copiats per Alan Bròc en Lengadebròc.
Primièra epòca[]
La letramofla es la còpia de tèxtes occitans e lor mesa en grafia classica. Remarcaretz la precision de la copiada, ambe de frasas inacabadas...
Exemple [1]:
cors de letradura: los autors populàris: Eugèni Pagès'
Eugèni Pagès es un grand autor auvernhat de las annadas 1910- 1920. Acò son seis òbras que beilèron al jove Joan Fay l'enveja d'escriure en lenga d'òc. Joan Fay, que foguet à son epòca lo mai jove majorau a agara nonanta dos ans.
Eugèni Pagés escriguet aquel poema entitolat « O uno fausso morquiso » e qu'es manifèstament coma una seguida deis « estanças à la marquesa » de Pierre Corneille.
Tot lo monde de ma generacion conèis l'adaptacion musicala del Setòri Jòrdi Brassens, e lo mèstre d'òbra auvernhat Miquèl Bonnet atabé. Publiquet dinc « La Cabreta » lo poema de Pagès en fasent remarquar que se pòt chantar tamben sobre la musica de Brassens.
- Aviatz tant de gràcia exquisa,
- Que, nascuda sans pargam,
- Vos apelavon « Marquisa »
- Mès siatz filha de paisant.
- Marquisa, vos vese enquèra
- Al temp d'aquel escais-nom ;
- M'en sovene aviatz alèra
- Lis uèlhs blus e lei pièus blonds.
- Pichon pé e camba fina,
- Aviatz, sabètz, un crane èr,
- E lo rastèl de l'esquina
- Pus franc que lo d'un luzèrt.
- Vestida e cara podrada,
- Agradassiatz als garsons,
- Que vos seguiaun a la piada
- Per vos far de potissons.
- Coma siatz plâ bona filha,
- Nen tornasiatz dètz per un ;
- Atau l'amor s'escampilha,
- Coma al vent lo
- Al jorn que sèm, vòstra glena
- Pebre e sau a la color ;
- A la pinche se semena,
- A perdut sa resplendor.
- Vòstra pèl ara es rimada,
- Avetz lo trumèl guiflat ;
- Degun vos vòu de brassada,
- Lo poton saria tròp flat.
- Quau creiria que sïatz janta,
- Se z'o disia pas anuèit ?
- E pr'acò, quand siatz galanta
- Als òmes fasiatz la lèi.
- Dempuèi quantas margaridas
- - Pus agradivas que siatz -
- Qu'atabé se son frostidas
- E nos aun dich adissiatz !
- La vida es atau, Marquisa !
- Pauc a pauc devenam vièlhs,
- Sus l'ala del temp que lisa
- E nos demena al tombèl !
- Eugèni Pagès
Segonda epòca[]
Vejatz lo grope Info d'oc.