L'Occitanistan es banhat de tres mars :
- La Mar Nòstra banha lei doç pès de nòstre bèu Pachà e dau Govèrn tot dins sa capitada dau Sud-Est.
- La Nòstra Mar Granda -qu'es nòstra tanben per la bona rason que tot çò que tòca a l'Occitanistan nos aparten- chuca de seis èrsas gaujosas lei ribas dau Pacholik de la Graisha de Guit, a l'Oest, e garça de sei furors lei tèrras irrendentas disputadas aus òmes de Neandeuskal Herria, ferumi d'entre lei ferumis.
- La Mar Idafe, enaiga de seis ondas lindas e de segond gra totei lei tèrras dau Surtanat e totei seis estatjants a l'encòp, una meravilha d'excepcion fisica que se pòt pas veire en fòra d'Occitanistan.